Shqipëria është një nga vendet tranzit, ndërkohë që portet e saj detare e kanë kthyer atë në një rrugëkalim veçanërisht për trafikun e drogës. Por vitet e fundit, institucionet shqiptare kanë shtuar masat edhe sa i takon luftës ndaj terrorizmit e veçanërisht në parandalimin e sulmeve me armë të dëmtimit në masë. Strukturat shqiptare shtetërore janë ndihmuar nga SHBA për kompletimin me pajisje të ekipeve për mbrojtjen nga armët e dëmtimit në masë. Ditën e sotme Drejtori i Përgjithshëm i Emergjencave Shqiptare Haki Çako vizitoi Armën e 21-të të Gardës Kombëtare të SHBA e specializuar për armët e shkatërrimit në masë si substancat kimike, biologjike, radiologjike dhe bërthamore. Në vitin 2001, Republika e Shqipërisë nënshkroi një marrëveshje dypalëshe për këtë çështje me Departamentin e Mbrojtjes së Sh.B.A-së dhe New Jersey duke krijuar zyrtarisht Programin e Partneritetit Shtetëror. / tirananews.al
