Pasi i dërguan të premten kërkesë KQZ-së që të nisë procedurat për zgjedhjet vendore të 13 tetorit, dhe dështimit të mbledhjes së kësaj të fundit të shtunën, partitë opozitare kanë dërguar kërkesë për regjistrim këtë të hënë, e cila është afati i fundit për regjistrimin e partive.
Lëvizja Socialiste për Integrim ka qenë e para që ka bërë regjistrimin pas kërkesës për nisjen e procedurave.
Lexo edhe- Opozita e Bashkuar, letër KQZ-së: Nisni punën për 13 tetorin
Kërkesa e LSI-së dorëzohet në KQZ nga Endrit Brahimllari, dhe vjen pak ditë pasi u dorëzua kërkesa pë të hapur procedurat për të mbajtur zgjedhjet në këtë datë.
Pas LSI-së edhe Partia Republikane e Fatmir Mediut ka bërë kërkesë për regjistrim.
Pritet që edhe Partia Agrare Ambientaliste e Agron Dukës të dorëzojë kërkesën për regjistrim pasi edhe ajo të premten kërkoi nisjen nga KQZ të procedurave për zgjedhjet e 13 tetorit.

