Interi vazhdon në rrugën e miqësoreve pozitive të para sezonit. Këtë herë zikaltërit ia kanë dalë të triumfojnë përballë Valencias, teksa iu janë falur goditjeve nga 11 metrat, pasi koha e rregullt përfundoi në barazim 1-1. Sa i përket ndeshjes, spanjollët kaluan të parët në avantazh. Në minutën e 38, Soler mposhti me një goditje me kokë brenda zonës portierin Handanoviç.
Me këtë episod u mbyll edhe pjesa e parë, ndërkohë në fraksionin e dytë zikaltërit e Kontes u hodhën në kërkim të golit. Megjithatë, zëvendësimet e shumta të miqësoreve e ulën jo pak ritmin e ndeshjes. Por, italianët nuk hoqën dorë dhe 10 minuta para përfundimit të takimit fituan një 11 metërsh.
Nga pika e bardhë Politano nuk fali, duke rivendosur baraspeshën. Deri në fund rezultati nuk ndryshoi me skuadrat të cilat iu drejtuan lotarisë së penalltive. Aty zikaltërit u treguan më të saktë duke triumfuar me rezultatin 7-6, dhe ngritur lart trofeun Naranja Për Valencian penalltinë vendimtare e humbi ish-mbrojtësit i Realit, Ezekiel Garaj.