Ndalohet në zyrën e Policisë Kufitare të Riminit një shtetas shqiptar i cili me dokumente greke false, tentonte të hynte në Britani të Madhe.
Ndalimi i tij u bë më 10 gusht 2019, rreth orës 7.30, kur shqiptari me iniciale H.F, 34-vjeç, iu nënshtrua kontrollit të pasaportës.
Ai tregoi tre dokumente greke (një pasaportë, një kartë identiteti dhe një patentë shoferi), që pas verifikimeve rezultoi se ishin të falsifikuara.
Shqiptari u vu menjëherë në dispozicion të Zyrës së Emigracionit në Questura për dëbimin nga territori italian.