Uanda Nara është rikthyer të flasë mbi të ardhmen e Mauro Ikardit. E ftuar në emisioni Tiki Taka, agjentja dhe njëkohësisht bashkëshortja e sulmuesit u shpreh se argjentinasi nuk është duke pritur për ofertën e Juventusit, por kërkon të qëndrojë. Nara theksoi se pavarësisht se ajo mund të flasë me shumë klube në rolin e agjentes, në fund vendimin e merr Ikardi.
“ Ai gjithnjë ka refuzuar shumë oferta nga ekipe të mëdha. Unë kam bërë punën time dhe kam folur me klube të ndryshme, por në fund vendimet i merr gjithnjë ai. Vendimi i tij ka qenë i qartë, ndoshta Ikardi ka folur me ndonjë që i ka kërkuar të qëndrojë. Mbase me atë që komandon. Janë thënë shumë të pavërteta për ne, është thënë se Mauro ka akord me Juventusin apo që do shkojë te Napoli.
Të pavërteta. Unë nuk mund t’i vejë një armë në kokë: ai do të qëndrojë. Shoqëria paguan rrogën dhe është e lirë të vendosë nëse do ta përdorë, ai është i lirë të vendosë se ku do të luajë. Çdokush bën atë që ndjen. Nuk është e vërtetë që po presim Juventusin”, u shpreh Uanda.