Sipas studimeve shkencore mbi rëndësinë e ujit në organizëm, dehidratimi është faktor kyç në shtimin në peshë.
Uji është i domosdoshëm për shëndetin. Ai nuk përmban as yndyrna, as kolesterol, as kalori. Por këto nuk janë arsyet e vetme përse njeriu duhet të pijë shumë ujë gjatë ditës.
3 arsyet përse hidratimi është shumë i rëndësishëm për të mos shtuar peshë.
1. Uria dhe etja ngatërrohen lehtësisht
Shpërthimet e urisë dhe ato të etjes ngatërrohen lehtësisht, sipas ekspertëve.
Shpesh herë, etja maskohet si uri dhe si e tillë, njeriu e tepron me ushqimin kur ndjesia e boshllëkut mund të zhduket thjesht me një gotë ujë.
2. Uji mposht urinë
Pirja e një gote me ujë sa herë që ndiheni të uritur, apo përpara një vakti e mbush stomakun përkohësisht dhe shuan dëshirën për ushqim të parakohshëm.
3. Uji dhe shëndeti i veshkave
Pirja e ujit është shumë e rëndësishme për të garantuar funksionin optimal të veshkave.
Sipas të dhënave, nëse veshkat nuk funksionojnë mirë, mëlçia ngarkohet me një barrë më të rëndë për metabolizmin. Një mëlçi e mbingarkuar me punë, nënkupton një shtim në peshë të pashmangshëm.