Facebook mund të fshehë nga postimet numrin e pëlqimeve që janë marrë ashtu siç po bën Instagram në disa vende për të shmangun vëmendjen e tepërt të kësaj të dhëne krahasuar me përmbajtjen.
TechCrunch konfirmon këtë risi nga kompania, mbi bazë të vëzhgimit të bërë nga ekspertja Jane Manchung Wong.
“Kam parë se Facebook së fundmi ka nisur të eksperimentojë një funksion që fsheh “Like” në aplikacionin e saj në Android”, shkruan Wong në blogun e saj. Ajo thotë se kjo është një shenjë që testimi mund të bëhet publike dhe me një aktivizim të thjeshtë të serverit nga ana e Facebook.
Lexo edhe- Instagrami fshin “like”/ Nis testimi në Australi dhe Brazil
Ky funksion aktualisht është në testim në Instagram në shtete vende të botës, me qëllimin e vetëm për të hequr presionin se sa pëlqime do të marrë një postim dhe për ti dhënë mundësi përdoruesve të jenë të lirë të postojnë çfarë të dëshirojnë.
Në Instagram “Pëlqej” nuk janë të dukshme publikisht por mund të jenë për autorin e postimit.
Facebook ndërkohë ka konfirmuar për TechCrunch që edhe në këtë rast qëllimi do të ishte i njëjtë, pa dhënë detaje të tjera se kur do të jetë zyrtare kjo risi.
“Jetojmë në një shoqëri ku tashmë çdo eksperiencë ka kuptim vetëm nëse bëhet popullore. Në këtë kuadër, iniciativa si këto janë pozitive dhe të japin mundësinë të fokusohesh më shumë në përmbajtje krahasuar me popullaritetin”, thotë për ANSA Matteo Lancini, psikolog dhe psikoterapeut, i cili flet për sindromin e “varësisë nga popullariteti”.