Pothuajse një vit pas masakrës së Selenicës që tronditi gjithë vendin, ku mbetën të vrarë 8 persona, mes të cilëve dy fëmijë, Ritvan Zykaj, autori i masakrës është dënuar me brugim të përjetshëm.
Vendimi për të është dhënë në fund të korrikut, pa praninë e medias, ndërsa është zbardhur vetëm ditën e sotme.
Autorin 24-vjeçar e braktisën dhe familjarët e tij pas aktit makabër, ndërkohë që edhe avokatët e braktisnin.
I vetmi dëshmitar i paraqitur gjatë seancave gjyqsësore ishte Fiqiri Serjani, fqinj i tyre, por dhe ai kërkoi të mos e thërrisnin më pasi nuk kishte mundësi financiare për të paguar transportin. Ai ka thënë se lagja ku ndodhi ngjarja e rëndë e 10 gushtit 2018 është boshatisur. Veç familjarëve të Ritvanit janë larguar edhe të afërmit e viktimave që i shpëtuan masakrës.
“Shtëpitë janë të mbyllura plotësisht. Kanë ikur të gjithë. Aty nuk ka më njeri”, u shpreh Serjani, duke thënë se nuk do të paraqitet më si dëshmitar. Prokuroria pritet të kërkojë burgim të përjetshëm për 24- vjeçarin, i cili ka deklaruar se kreu një akt të tillë pas akuzave se ai u vidhte pulat.