Në konferencën për mediat të dhënë sot pasdite, Presidenti Meta u pyet nga gazetarët edhe rreth marrëdhënieve që ai ka me politikanët aktualë si Rama apo Basha. Meta theksoi se në rast se Shqipëria do të marrë çeljen e negociatave, ai është gati që t’i japë dekoratë qoftë si kryeministër ashtu edhe si ministër i Jashtëm. Por Meta nuk la pa thumbuar as Monikën dhe Bashën, duke ngjallur në fakt dyshime se mes Ilir Metës dhe mazhorancës po lind një shkëdijë e re “dashurie”.
Batutat e presidentit Meta:
Që unë të bëhem xheloz për Edi Ramën, këtë se pranon as Edi Rama, ju i dini kontributet e mija për Edin. Madje edhe disa diplomatëve u kam thënë “Ore mos ma merrni në qafë edin”. Unë të jem xheloz, unë i jap dekoratë Edit, vetëm të marrë çeljen e negociatave, unë do t’i jap dekoratën le të mos e pranojë. Madje do t’i jap Urdhrin e Skënderbeut. Unë kam ikur nga kryeministër vetëm për të mos penguar marrëdhëniet e Shqipërisë me BE.
Kështu që dekoratën bëhuni gati, në daç të vijë n’daç të mos vijë. Zotit Basha nuk i jap dekoratë se ka braktisur institucionet, as Monikës se i ka dhënë besën Lulit.