Në Premier League u zhvillua ndeshja mes Tottenham Hotspur dhe Manchester United, që përfundoi me fitoren e miqve me rezultatin minimal 0-1 me një gol të shënuar nga Marcus Rashford.
Kjo ishte fitorja e pestë radhazi në Premier League për Manchester United me 15 gola të shënuar dhe vetëm 3 të pësuar nën drejtimin e Ole Gunnar Solskjaer. Më këtë tre pikësh, United vijon ngjitjen drejt zonës Champions, ndërsa Tottenham Hotspur i largohet akoma më shumë Liverpulit.
Në kampionatin spanjoll, Barcelona, Reali i Madridit dhe Atletiko kanë kaluar pa surpriza ndeshjet e radhës, ndërsa Sevilja humbi ndaj Bilbaos. Në Itali u zhvilluan ndeshjet e vlefshme për Kupën, ku Interi shpartalloi Benevento 6-2, Napoli mposhti Sasuolën dhe Fiorentina kaloi me lehtësi Torinon duke vijuar më tej.