Një 29-vjeçar ka humbur jetën në orët e para të mëngjesit të së martës, pas një konflikti të çastit që kishte nisur mes tij dhe dy vëllezërve.
Ngjarja e rëndë ka ndodhur në fshatin Slatinë rreth orës 03.00 të mëngjesit, në lokalin e fshatit. Të rinjtë ishin të dehur dhe pas një sherri banal, Qazim Plaku 24 vjeç ka qëlluar me thikë Myrtezan Hysa, 24 vjeç. Ky i fundit bashkë me vëllain e tij, Jurgenin, kanë plagosur me sende të forta Dukagjin Plakun, 29 vjeç, i cili ka humbur jetën në spital.
“Si rezultat i reagimit në kohë të policisë, dhe veprimeve hetimore të kryera, janë kapur dhe arrestuar autorët e dyshuar të ngjarjes, shtetasit: Q.P, banues në fshatin Sllatinë (vëllai i shtetasit D.P). J.H. dhe M. H.(vëllezër), banues në fshatin Sllatinë”, thotë policia.
Grupi hetimor vijon hetimet për zbardhjen e plotë të shkaqeve të ngjarjes.
