Një aksiden ka ndodhur para pak minutave në aksin Kukës-Shtiqen ku si pasojë e të cilit ka mbetur i plagosur një person.
Burime bëjnë me dije se në aksident është përfshirë një 31-vjeçar me inicialet A.Gj, i cili ndodhet në spitalin e Kukësit në gjendje të rëndë.
Mësohet se i riu po udhëtonte me një biçikletë teksa është përplasur nga një automjet drejtuesi i të cilit mësohet se është shtetasi me inicialet E.B i cili është shoqëruar në Komisariat.
Policia ndodhet në vendngjarje për të bërë të mundur zbulimin e detajeve dhe rrethanave të aksidentit të rëndë.