Lëkunden pankinat në kampionatin italian dhe kudo shfaqet emri i Xhani De Biazit si një nga trajnerët e mundshëm për të ardhur në drejtim nëse klubet vendosin të ndryshojnë teknikë në fundjavën e ardhshme. Ish-trajneri i përfaqësueses kuqezi shihet si kandidat potencial për të marrë drejtimin në tre klube me shumë emër në Serinë A.
Në vendet e fundit të tabelës së klasifikimit në Itali aktualisht gjenden dy skuadrat e Xhenovës, Sampdoria dhe Xhenoa.
Mediat italiane flasin për “studim tregu” nga të dy klubet dhe në listën e emrave pa skuadër që shihen si kandidatë potencialë për t’u emëruar në këto dy klube shumë të njohura, është edhe De Biazi.
Emri i tij qarkullon në mediat italiane edhe në listën e atyre që mund të marrin drejtimin e Milanit, nëse ky i fundit vendos të largojë Xhampaolon.