Ish-ministri i Jashtëm, Ditmir Bushati në fjalën e tij mbatur sot në Kuvend, i ka bërë thirrje të fortë të gjithë kolegëve të tij.
Bushati i është drejtuar si mazhorancës ashtu dhe opozitës që të fokusohen tek interesat kombëtare, duke propozuar një ‘Pakt Kombëtar për Europën’.
“Bisedimet për Serbinë u nisën nga kapitulli 35, pra detyrimet që ka ajo ne raport me Kosovën. Nuk do të gjejmë dot një vend tjetër që ka një tërësi kancelare, që mbështet vendet e Ballkanit, ashtu sic është Gjermania. Besoj se është absurde gjithë lufta politike që vjen nga opozita joparlametare që kërkon të legjitimojë kauzën e saj përmes pikave që ka kërkuar Bundestagu.
Dua sot të ndaj me ju, një eksperiencë personale, që nga shkolla e deri në punën time si diplomat. E shof këtë process nga kënde të ndryshme të tryezës dhe leksioni numër 1 ka qenë; për këtë proces që të përparojmë na duhet ‘konsensus kombëtar’ sepse ne kemi notuar kundër rrymës. Edhe amatorët e kuptojnë se kundër rrymës nuk do e marrësh kurrë suksesin. Prandaj kam propozuar një ‘Pakt Kombëtar për Europën’.
Askush s’mund të fërkojë barkun në rast se një nga pikat nuk plotësohet. Në rast se lë parlamentin nuk mund të kërkosh llogari. Kur flasim për Europën duhet të përcakotjmë themelet e shtëpisë, një plas konkret pune dhe ato ligje që duhet të bëjmë për dekadën e ardhshme dhe këto instituicone të konsiderohen si investim për gjeneratën e re dhe Shqipërinë Europiane. Njësoj sic e projektuar vendet e Europës, 50-60 vite më parë dhe duke marrë parasysh se secili prej nesh mund të lërë karrierën politike për hir të së ardhmes së Shqipërisë,”u shpreh Bushati.