Dua Lipa së fundmi ka ndërmarrë një nismë për të grumbulluar një donacion prej 100 mijë funte mbi ndërgjegjësimin e bamirësive të shëndetit mendor. “My Dog Black” është pikërisht shoqata që edhe do u dhurohen të gjitha paratë e mbledhura nga nisma e këngëtares Dua.
Kjo shoqatë ka si synim mbrojtjen e të gjithë muzikantëve prej frikës së dështimit. Një studim ka zbuluar se plot 73% e muzikantëve të pavarur vuajnë nga simptomat e sëmundjes mendore. “Është e dhimbshme dhe ironike që muzika ka një fuqi të tillë për të na bërë të lumtur, por vetë muzikantët shpesh mund të vuajnë në mënyrë disproporcionale nga çështjet e shëndetit mendor”,është shprehur Dua Lipa lidhur me këtë situatë.
Ajo ka vijuar të thotë se frika e dështimit mund t’a rrisë rrezikun për depression të mundshëm.“Unë kam përfituar shumë nga kjo industri, por shoh rreth meje çdo ditë se çfarë të tjerët mund të vuajnë: frika nga dështimi, vetmia dhe presionet e mëdha të rrjeteve sociale, që unë mendoj se është veçanërisht rasti për artistet femra”, ka shtuar artistja.
Dua Lipa e ka mbyllur deklaratën e saj me fjalët: “Është koha që industria e muzikës të fillojë të marrë seriozisht shëndetin mendor të artistëve”. Përpjekja për mbledhjen e këtyre fondeve vjen fill pas historisë shkatërruese midis anëtarëve të ekipit të “TaP” lidhur kjo me përvojën e përbashkët të humbjes së miqve dhe familjarëve.
