U luajtën ndeshjet e katërta nga fundi për eleminatoret e Euro 2020 dhe skuadrat pretendente duket se po i mbyllin llogaritë para kohe. Por në grupin C gjithçka është e hapur, sidomos pas fitores spektakolare që arriti sot Holanda ndaj Irlandës së Veriut në Stadion Feijenoord, gjermanët duhet të frikësohen. U mendua se Irlanda e Veriut do të shokonte tulipanët pas golit të Josh Magennis 15 minuta nga fundi i lojës. Por në 10 minuta Memphis Depay dhe Luuk de Jong e përmbysën avantazhin ndërsa në fund Depay mendoi edhe për një gol të tretë. Me këtë rezultat gjithçka shkon në balotazh, Gjermania, Holanda dhe Irlanda e Veriut me 12 pikë secila, por me të treja të cilat rrezikojnë hapur kualifikimin.
Duket se kualifikimi i tyre do të varret në kualifikimin e tyre do e përcaktojë pikërisht Irlanda e Veriut me të cilën kanë nga një ndeshje për luajtur. Ndërsa në ndeshjen tjetër të grupit Bjellorusia dhe Estonia u ndanë në barazim pa gola.
Në grupin E, Kroacia bën shkëputjen në krye pasi mposhti bindshëm Hungarinë 3-0. Slovakia dhe Uellsi u ndanë në barazim 1-1 por sllovakët mbajnë vendin e dytë në grup me 10 pikë. E treta Hungari dhe e katërta Uellsi respektivisht me nga 9 dhe 7 pikë. Azerbajxhani i fundit me 1 pikë.
Ndërkohë Polonia, Austria, Maqedonia e Veriut dhe Slovenia po bëjnë një betejë të fortë në grupin G për të nxjerrë dy vendet e para. Por polakët e Jerzy Brzeczek janë më të avantazhuar me 16 pikë në krye pas fitores 0-3 në Latvi, me tregolëshin e Robert Leëandoëskit. Austria kapi vendin e dytë me 13 pikë pas fitores 3-1 ndaj Izraelit ndërsa Maqedonia e Veriut arrin Slloveninë me fitoren 2-0 në Shkup duke ndarë vendin e tretë dhe të katërt me 11 pikë.
Belgjika është treguar e pamëshirshme ndaj San Marinos duke fituar 9-0 dhe marshojnë në vendin e parë me 21 pikë. Ekipi i Roberto Martinez pavarësisht rezultateve pozitive i druhet rrezikut të Rusisë, e cila fitoi sot bindshëm 4-0 ndaj Skocisë dhe ndjek blegët në vend të dytë me tre pikë më pak.