Aktorja e humorit Rita Lati ka rrëfyer momentet e sikletshme nga filmi “Parrullat” i regjisorit Gjergj Xhuvani. Në një nga fragment të filmit, Rita dhe Artur Gorishti janë puthur.
Teksa ishte e ftuar në emisionin “E Diell”, aktorja shumë e dashur për publikun tregon se:
“Binte shiu litar nga zjarrfikësja, Artur Gorishti që më shikonte në sy dhe dyshonte nëse do e puthja seriozisht duke qenë se jam aktore humori. Unë aq desha, mora forca dhe me ujin që na përplasej në fytyrë, mbylla sytë dhe pastaj nuk mora vesh më ç’putha”, u shpreh Rita Lati duke shkaktuar të qeshura në publik.