Linda Rama, bashkëshortja e Kryeministrit Edi Rama, reagoi ndaj dështimit të hapjes së negociatave me BE-në.
Me anë të një komenti në Twitter, Linda Rama ka shpërndarë një thënie të shkrimtarit Ismail Kadare, i cili shpjegon lidhjen e shqiptarëve me Europën.
“Kur ju dëgjoni emrin “shqiptar” ndoshta padashur, gjëja e parë që iu vjen ndërmend është imazhi tronditës i mijëra njerëzve që kacavirren me litarë në anije.
Të jeni të sigurt se për ata njerëz, ato anije ishin Europa.
Shqiptarët e kanë humbur dy herë Europën: në shekullin XV dhe nën sundimin komunist.
Sot, pas përmbysjes së komunizmit, shqiptarët jetojnë prapë në ankthin e humbjes së tretë të Europës.
Ju që jetoni në zemrën e saj nuk mund ta kuptoni se çfarë është ky ankth”, shkruan Linda Rama.