Ish-ministri i Jashtëm, deputeti socialist Ditmir Bushati deklaron se në PS ka çaluar procesi i karrierës. Duke folur për kandidaturën e zgjedhur nga selia rozë për drejtimin e Bashkisë së Shkodrës, Bushati tha se PS i takon që të adresojë përgjegjësinë politike të kësaj çështje dhe të nxjerrë mësime. Duke iu përgjigjur edhe kreut të grupit socialist Balla, deputeti Bushati thekson s e ka ardhur koha që PS t’i japë më shumë peshë socialistit në vendimmarrje dhe jo ta thërrasë vetëm kur nevojitet.
“E shkuara e personit në fjalë është përgjegjësi e personit në fjalë në raport me drejtësinë. Dy, ne duhet të marrim përgjegjësinë që na takon. Unë i pari kam kërkuar ndjesë për këtë gjë, por kam kërkuar gjithashtu që PS ti kërkojë ndjesë Shkodrës. Në rast se ndjesa ime mjafton, dhe konsiderohet e ezauruar, por nuk mendoj se është e ezauruar, se mendoj tek ne ka çaluar procesi i karrierës. Në rast se do ishte fjala për kryetarin e një organizate në Shkodër, kjo do ishte çështje organizative e jona. Këtu bëhet fjalë për numrin një të bashkisë më të madhe në veri dhe në një prej qyteteve që ka lënë gjurmë në historinë e shtetit. Ne na takon për të adresuar përgjegjësinë politike të kësja çështje dhe për të nxjerrë mësime dhe unë e kam nxjerrë publikisht dhe se di pse është kaq e vështirë dhe nga z. Balla. Në politikë gabohet, ka njerëz që mund të sugjerojnë Sokolin etj etj. Është e qartë që s’ka ardhur nga brenda strukturave.
Ajo që më shqetëson mua dhe që ne duhet të nxjerrim mësime nga situata në Shkodër nuk është kandidati, por mekanizmat dhe filtrat që ne duhet të vëmë në funksionim. Cilat janë filtrat që i kam paraqitur në PS? Ka ardhur koha që ti japim më shumë peshë socialistit në vendimmarrje dhe jo ta thërrasim vetë kur na nevojitet ne ta thërrasim. Së dyti ti japim peshë komunitetit. E treta, nuk është blasfemi që ne gradualisht të vendosim në funksionim edhe garën. Duke i dhënë mundësi strukturës së partisë për t’u rigjallëruar. E dyta që më shqetëson është fakti që çdokush bën gabim në jetë dhe kush të jemi ne që i gjykojmë. E para është vullneti politik, e dyta është sinqeriteti për raportin me të vërtetën se bëhet fjalë për qytetarin nr. 1 të Bashkisë Shkodër, dhe e treta që ne duhet t’ia shtrojmë pyetje vetes, si shpjegohet që nga gjithë personat që kanë hyrë dhe kanë dalë dhe kanë pasur këtë problematikë, pse kanë guxuar rrugën e politikës?! Shqipëria e 2019-s, a ka një rezervuar të shkolluar dhe që kanë lënë gjurmë në komunitet dhe duke filluar nga partia ime që ti tërheqë?!”, tha Bushati.