Presidenti i FSHF-së, Armand Duka, është i bindur se ndeshja mes Shqipërisë dhe Francës do të luhet në “Arenën Kombëtare” pasi impianti do të licencohet në kohë për këtë duel. Numri 1 i institucionit të futbollit ka treguar edhe se kush do të jenë të ftuarit e nderit në këtë sfidë, duke filluar nga anëtarët e FSHF.
“E gjithë tribuna kryesore do të jetë me të ftuar me protokoll. Do të jenë të ftuar të zotët e shtëpisë, fillimisht anëtarët e FSHF. Janë ftuar të gjithë ata që kanë luajtur për kombëtaren shqiptare të futbollit ndër vite.
Gjithashtu është i ftuar nderi presidenti i UEFA-s, Çeferin, bashkë me dy zëvendëspresidentët e tij. Do të jenë edhe disa anëtarë të Komitetit Ekzekutiv dhe drejtues Federatash. Do të jetë edhe Kryeministri i Shqipërisë dhe Presidenti i Shqipërisë. Do të jetë një përfaqësues i FIFA-s, por jo presidenti Infantino”, theksoi Duka.