Marjana Cmeta, nusja e akuzuar për vrasjen e vjehrrës së saj ka kërkuar mëshirë para trupit gjykues. Ajo është shprehur se është e shkatërruar dhe ka një vajzë të vogël që do të rritet pa nënën e saj.
Ajo është lutur gjyqtarëve që të vinin dorën në zemër dhe të kishin mëshirë për vajzën e saj të vogël që tashmë do të rritet pa nënë.
Madje Çmeta deri në fund i ka mohuar akuzat. “Vendimet ndaj meje më kanë vrarë shumë. Shpirtërisht dhe moralisht ndihem e shkatërruar nga këto vendime. Të nderuar anëtarë të trupit gjykues, ju jeni prindër vetë, unë kam një vajzë të vogël që po rritet pa mua. Ju lutem të vini dorën në zemër e të mos e lini të rritet pa nënën dhe një nënë të jetoj pa vajzën e saj. Unë para vetes dhe Zotit janë e pafajshme”, tha Marjana Cmeta, sipas raportimit të Panorama.
Lexo edhe- Helmoi vjehrrën, ja sa vite burg dënohet Marjana Cmeta
Të pranishëm në seancën e djeshme ishin familjarë të shumtë të viktimës, Lirije Lamit, ndër ta edhe ishbashkëshorti i Cmetës. E nga ana tjetër, Cmeta e priti vendimi e dënimit në dukje e qetë, ndërsa u largua e revoltuar nga salla e gjyqit.