Mediat italiane i kanë kushtuar sot rëndësi të veçantë impiantit të ri kryeqytetas, “Air Albania Stadium”, duke treguar se si Shqipëria po bëhet gati të hapë dyert e tij me një ndeshje të veçantë përballë Francës. Si “Tuttosport”, ashtu edhe “Corriere Dello Sport”, kanë dërguar korrespondentët e tyre në Shqipëri dhe i kanë dhënë rëndësi pikërisht ndeshjes së fundjavës.
Kjo edhe për faktin e thjeshtë se nga jashtë pritet të jetë një delegacion prej rreth 300 personash të ftuar nga FSHF për të ndjekur ndeshjen e inaugurimit ndërkombëtar të stadiumit të ri, me shumë italianë mes tyre duke filluar nga zyrtari i Federatës Italiane, Mikele Uva, për të vazhduar me kryetarin e bashkisë së Firences, Dario Nardella.
“TuttoSport” e cilëson impiantin e ri modern si “Uemblin e Ballkanit”, ndërsa të dy gazetat kujtojnë se si organizimi i tribunave është bërë në stilin e “Bombonera” të famshme në Argjentinë për të mbajtur tifozerinë sa më afër lojës e sigurisht edhe atmosferën në stadium
