Kryeministri Edi Rama bëri të ditur në Kuvend se më 25 nëntor do të paraqesë para shqiptarëve platformën për të goditur KÇK-në (Kap Çfarë të Kapësh), atë që Rama e ka quajtur një grup kriminal nga më të rrezikshmit.
“Kjo platformë do të jetë sfida e vërtetë e këtij Kuvendi që në këtë sallë do të ndajë ata që janë gati për ta shpallur këtë luftë me ata që s’janë gati e që do të ndajë njëherë e mirë një histori të vjetër ku është përzier rëndom i njomi me të thatin dhe ku krimi i organizuar është kthyer nga një problem i përbashkët në një luftë politike, nga një armik i përbashkët në një aleat politik i atyre që e kanë përdorur vijimësisht produktin e krimit dhe e kan hedhur si mish të ngordhur në oborrin tonë”, tha Rama.
Ai shtoi se kjo është koha “ku i gjithë ky proces dhe i gjithë ky zinxhir krizash të sqaruar artificialisht nga Iir Meta dhe të gjithë ata që i përkasin frontit të mirënjohur që nga dita e parë e reformës në drejtësi të marrë drejtimin e duhur. Kjo është koha kur përgjigja jonë duhet të jetë pa asnjë ekuivok e do të tundë themelet e atyre që janë bërë bashkë me krimin”.
Meta tha ai na ka vënë në një pozitë të turpshme dhe se Kuvendi duhet të votojë neutralizimin e akteve të Presidentit.
