Mjaft i acaruar ka qenë kreu i shtetit Ilir Meta në prononcim për gazetarët në dyert e Presidencës ku u pyet për shkarkimin e Besnik Muçit nga vetingu.
“Ju e dini që vetingu i partisë u shpall para disa ditësh nga zv.kryeministri për zotin Muçi. Do ju informoj se nuk jam habitur se që ditën e parë që ka hyrë në zyrë ka pasur preisone politike të bëhej pjesë e puçit për të bllokuar Marsida Xhaferllarin për të ushtruar dyetrën e saj si anëtare e Kushtetueses”, tha Meta.
Duke përmendur edhe deklaratën e ambasadës së SHBA, ai tha se “SHBA janë si yll e janë si shpirt, dhe Venecia ka folur qartë, Presidenti s’mund të bëj dy emërime njëherësh është në Kushtetutë jo rregullore në ambasadë. Ka vetëm një zgjidhje për Edi Ramën dhe disa palaço ndërkombëtarë, referendumi. Ata të dalin nuk i pengoj dhe diplomatët me Edi Ramën dhe unë me gjithë shqiptarët sepse nesër është dhe dita ku populli votoi Kushtetutën më të mirë që bëmë pas kaosit të ’97 dhe që Edi Rama dhe palaço ndërkombëtar edhe në 2008 dhe më pas jo vetëm e minuan gjithë parimet e balancës dhe kontrollit të saj po dhe duan ta përdhosin çdo ditë. Larg duart nga Gjykata Kushtetuese!”, tha Meta.
Sipas tij duan ta çojnë çështjen në Venecia për të shpëtuar Dvoranin, pasi sipas Metës ai ka pasur garancinë e disa “palaçove ndërkombëtar”.
