Seria italiane ka zhvilluar sot një tjetër ndeshje të javës së 13 të kampionatit, megjithëse ishte planifikuar të luhej mbrëmë. Takimi mes Leçes dhe Kaljarit, i shtyrë për shkak të kushteve shumë të rënduara atmosferike dhe reshjeve të dendura të shiut u zhvillua pasditen e sotme dhe u mbyll me barazimin 2-2.
Kaljari që këtë sezon është konfirmuar si surpriza e kampionatit duke qenë mes pretendenteve për një vend në Kupat e Europës, kaloi në avantazh falë një penalltie të shënuar nga Zhoao Pedro. Në pjesën e dytë, ka qenë radha e Naingolan për të shënuar një supergol me një predhë nga jashtë zone, duke i dhënë skuadrës së tij avantazhin e dyfishtë.
Megjithatë, gjithçka ka ndryshuar në minutën e 81 kur Kaçiatore ka shkaktuar një penallti duke u larguar edhe me karton të kuq. Goli u kthye në gol nga Lapadula teksa në minutën e 85 ka pasur një sherr. Një top i larguar nga portieri Olsen, ka sjellë reagimin e Lapadulës dhe të dy futbollistët janë konfrontuar duke u larguar me kartonë të kuq.
Ndërkohë, kur dukej se gjithçka po përfundonte është shfaqur Kalderoni duke shënuar golin e barazimit. Ky rezultat i heq mundësinë Kaljarit të merrte vendin e tretë duke u renditur i katërti me 2 pikë më pak se Lacio. Nga ana tjetër, Leçe e sheh veten në kuotën e 11 pikëve.