Kryeministri Edi Rama ndodhet në Itali ku do të flasë në emisionin e gazetarit Bruno Vespa “Porta a Porta” për situatën nga tërmeti që po kalon Shqipëria, në përpjekje edhe për të siguruar më shumë kontribute për vendin.
Para se të shkojë në emision, Rama ka ndaluar në një bar italian ku ka konsumuar një kafe me këshilltarin e tij për mediat Endri Fuga.
Rama shihet teksa hyn në bar pas një telefonate dhe bisedon me Fugën për ndihmën prej 15 mln eurosh të dhënë nga Komisioni Europian. “15 milionëshi i parë është me një fond që e kanë nxjerrë me urgjencë nga portofoli i komisionierit që ka zëvendësuar Hahn. Ajo që është e rëndësishme, konfirmohet konferenca e donatorëve që do të bëjë që të jetë mundësia për të bërën jë kontribut përtej kontributit të BE-së. Ndërkohë që më thanë që më thanë që po punojnë dhe për kërkesën tonë që gjithë fondet IPA të Shqipërisë të mblidhen në një paketë. Kështu që e gjitha duket goxha mirë”, thotë Rama, ndërsa Fuga konfirmon: “Super” .
Më pas kreu i qeverisë porosit një kafe në italisht, por kamerieri i përgjigjet shqip.
Pjesë nga biseda
Rama: Ooo, shqiptar…
Kamarier: Po
Rama: O figurë, hajde hajde., ulu këtu! Si je mor si je? Kur ke ardhur?
Kamarieri: Në Itali, kam që në 2003, jam nga Elbasani. Më erdhi keq për tërmetit. Më vjen mirë që edhe Italia ka kontribuar.
Rama: Po, po na ka ndihmuar. Ja, jemi të Bruno Vespa do bëjmë një regjistrim, do bëjmë thirrje për mbështetje. Do bëjmë gjithçka mundemi edhe vetë, se nuk do ngelemi në duar të të tjerëve, por këto janë gjëra që kalohen bashkërisht.
Shihni bisedën e plotë