Napoli ka prezantuar trajnerin e ri, Rino Gasttuson, cili ka nënshkruar për gjashtë muajt e ardhshëm, me të drejtën e rinovimit për një vit nëse arrihet si objektiv pjesëmarrja në Champions.
Në konferencën e prezantimit, ku ishte përkrah presidentit De Lurentiis, Gattuso i shprehu mirënjohjen Ancelottit, nga i cili ka marrë detaje për funksionimin e skuadrës.
“I thashë po Napolit sepse është protagoniste në Itali dhe Europë. 99% e lojtarëve të këtij klubi i përshtaten futbollin që bëj unë. Të dielën ka qenë hera e parë kur kam folur me Napolin, kam bërë 6 orë rrugë për të ardhur këtu e 6 për t’u larguar. Nuk ishin ditë të lehta, e dija që duhej të përballesha me një diskutim e të sqarohesha me Karlo Ancelottin, t’i thosha se pse kisha bërë këtë zgjedhje. Carlo ka qenë një baba për mua. Më ka konfirmuar çfarë njeriu është, u zbërthye dhe më tregoi gjithçka për skuadrën.”
Më pas, “Ringhio” foli për objektivat, duke iu referuar së pari pjesëmarrjes në Champions.
“Momenti në kampionat nuk është pozitiv, por duhet të bëjmë pikë për të arritur në zonën Champions. Ibrahimovic? Dua të flas për ata që kam në dispozicion. Të vjen turp kur e sheh se kjo skuadër është në vend të shtatë. Champions është objektivi im, e humba për një pikë në sezonin e kaluar (me Milanin), kemi gjithçka na duhet për ta arritur këtë vit”.