Milani u turpërua në ndeshjen e fundit për vitin 2019, teksa u mposht në transfertë nga Atalanta me rezultatin 5-0. Një ndeshje e vuajtur për kuqezinjtë, që u shpërfytyruan në Bergamo dhe nuk mundën të rezistonin ndaj sulmeve të vendasve.
Por, rezultati dhe turpërimi nuk kanë ndikuar te Leao. Sulmuesi i kuqezinjve, i cili luajti për gjithë ndeshjen ndaj Atalantës dhe nuk bëri asgjë për të ndryshuar fatet e takimit, është filmuar në disko duke tymosur dhe shijuar muzikën e lartë në klubet e qytetit.
Edhe pse braziliani mund të jetë i qetë pasi në javën e ardhshme nuk ka ndeshje dhe ka marrë pushimet, sërish mund të tregohej më i rezervuar pas një sfide si ajo ndaj Atalantës.