Ledian Memushaj shkëlqen në kampionatin italian megjithëse vitet kalojnë. Mesfushori i Kombëtares është sërish protagonist në Serinë B italiane, duke ndihmuar jo pak skuadrën e tij për të qenë ndër skuadrat konkurrente për sezonin e ardhshëm që të luajë në Serinë A.
Memushaj është konfirmuar edhe një herë si njeriu asist në Serinë B. Ai ka ndihmuar skuadrën në 7 gola të shënuar deri më tani dhe kryeson listën e asistuesve në Serinë B italiane teksa këtë sezon ka arritur të shënojë edhe 2 gola deri më tani.
Memushaj ndiqet në këtë listë nga 5 futbollistë të cilët kanë dhënë nga 2 asiste më pak, ndërkohë që asnjëri nuk është nga skuadra e tij. Asistuesi i dytë më i mirë te Peskara, është Makin me 3 asiste deri më tani teksa të tjerët nuk kanë arritur të ngjiten ende në podium.