Emanuel Egbo riktheu Tiranën në vendet e para të klasifikimit dhe fitoi derbin pas më shumë se 5 vitesh mungesë. I ftuar në emisionin “Procesi Sportiv”, Egbo u shpreh se skuadra e Tiranës kishte nevojë për motivim teksa u ndal edhe te e ardhmja.
“Na ka uruar Halili sepse kishim kohë pa fituar. Ishte një ndeshje ku zoti ishte me ne. Çdo ndeshje duhet ta marrim një nga një siç i ka marrë Partizani vjet. Nëse Halili më kërkon të qëndrojë, do të qëndroja.
Trajneri më i mirë? Për mua ka qenë Murinjo, por sot për sot mendoj se është Klop. Klop është si Murinjo, shkon në çdo klub dhe bën gjëra të mahnitshme me ato lojtarë që janë. Guardiola bën ekip nga fillimi, sheh lojtarët dhe thotë ky është e ky jo.
Para ndeshjes me Partizanin ishim të lodhur fizikisht nga psikologjikisht. Të gjithë kanë menduar se ka mbaruar dhe nuk ka më shpresë. Iu kam thënë se nuk kemi çfarë humbasim dhe nëse fitojmë me Parizanin, shlyejmë gabimet e bëra dhe ndryshojmë harmoninë në grup. Me ndihmën e Zotit, kur një njeri i bën hyzmetin edhe Zoti sheh.
Ky ekip u ndërtua nga Mema, më pas ishte Ahmataj. Iku edhe Ahmataj dhe iu kam thënë se nëse nuk ndryshojmë asgjë pasi sporti nuk është shkencë. U futëm me një strategji që të marrim pikë. Gjithmonë me këtë ide kam thënë. Nëse mbajmë gjithmonë barazimin, nga minuta 60 e më vonë do të shënojmë gol dhe kështu ka ndodhur me Partizanin. Ku ka kompaktësi dhe ekuilibër, kundërshtari nuk ka çfarë bën. Ka lëvizje të shpejt te topi dhe ndryshime në fushë”, tha Egbo.