Chelsea është i gatshëm të lëshojë Marcos Alonso-n në merkaton e janarit. Këto janë raportimet që vijnë nga Anglia, të cilat thonë se Interi ka një shans të madh për të plotësuar dëshirën e Conte-s në lidhje me mbrojtësin spanjoll.
29-vjeçari kërkohet nga Conte për të blinduar krahun e majtë, ndërsa tani sipas ‘The Telegraph’ kjo marrëveshje mund të finalizohet pasi Chelsea është në kërkim të një tjetër mbrojtësi. Edhe Lampard nuk e ka të preferuar mbrojtësin, pasi këtë vit më shumë ka qenë në stol se sa në fushë.
Në kohën e Conte-s Alosnso ishte një lojtar kyç i Chelsea ku përveç fitores së kampionatit dhe FA Cup shënoi edhe 14 gola në dy sezone. Për Chelsea-n largimi mbrojtësit do të ishte diçka pozitive edhe në aspektin e lehtësirave të pagës pasi Alonso fiton 100 mijë paund në javë.
Aktualisht futbollisti ka edhe 3 vite e gjymsë kontratë me londinezët, por Chelsea nuk dëshiron që kjo ‘martesë’ të vijojë gjatë. Për Interin tani është mundësia më e mirë për të transferuar një nga më të pëlqyerit e Conte-s.