E ndërsa Prokuroria e Përgjithshme ka nisur sot zyrtarisht hetimet për Kryebashkiakun e Mallakastrës, Qerim Ismailaj pas akuzave të PD se ka qenë i dënuar në Greqi.
Në një prononcim për Tirananews.al, Ismailaj shprehet se i qëndron deklaratave të tij të mëparshme dhe do të pasqyrojë të vërtetën bashkë me materialet përkatëse. “Do i qëndroj asaj çfarë postimi kam bërë në faqen time personale. Nuk kam asgjë për të shtuar. Bashkë me materialet e tjera do i publikojmë”, tha Ismailaj.
Dy ditë më parë, Qerim Ismailaj deklaroi se: “Jam i hapur për çdo verifikim të mundshëm. Unë kam deklaruar formularin e dekrimnalizimit. Në shtator të 1999 kam filluar mësues në shkollë Nuk jam ndaluar në asnjë rast. Unë kam motrën në Greqi, ka pasur sebepe familjare, ky është rasti që kam qenë në Greqi”. Në kërkesën e Sekretarit të Përgjithshëm të Partisë Demokratike Gazment Bardhi, drejtuar Prokurorisë së Përgjithshme, specifikohet se kryebashkiaku Qerim Ismailaj, ndodhet në kushtet e ndalimit për të kandiduar dhe për t’u zgjedhur në një funksion të lartë publik, për shkak se dyshohet se ka qenë i arrestuar/ndaluar në Greqi dhe se në periudhën 1999-2000 ndaj tij është marrë masa e dënimit dhe dëbimit nga autoritetet përgjegjëse greke”.