Në një intervistë ekskluzive për Panorama, Zogu i Tiranës flet nga burgu dhe për qëndrimin prej 5 javësh në qeli. Ai thotë se të burgosurit sillen shumë mirë me të dhe i thonë se sa shkoi ai u zbukuroi burgun.
PJESE NGA INTERVISTA
Si sillen të burgosurit me ty, ndihesh i frikësuar?
Jo, më trajtojnë me kujdes. Sillen shumë mirë, më sjellin çokollata, paketa, përkujdesen për mua.
Je bërë mik special me ndonjë?
Patjetër, unë shoqërohem me të gjithë këtu. Mua më do çdo mashkull, malësor apo fushor të jetë.
Si i kalon mbrëmjet, kur bie të flesh dhe kur zgjohesh?
Unë gdhihem e ngrysem me shpresën se e nesërmja nuk do të më gjejë brenda këtyre mureve të qelisë. Kjo është shpresa ime. I lutem Zotit që të dal sa më shpejt. Nëse unë nuk dal, më mirë të vdes sesa të qëndroj këtu. Unë do të tentoj të vras veten nëse shpallem i fajshëm. Çdo gjë është e sajuar.
Kush vjen të të takojë në Burgun 313?
Vijnë familjarët, po mua më vjen turp! Unë s’jam mësuar kështu, këto pranga përbuzin dinjitetin tim.
Mikeshat VIP kanë ardhur të të takojnë?
Te Drejtoria e Policisë vinin më sillnin ushqime, ndërsa këtu jo sepse nuk lejohet. Mua më vjen keq, se unë isha njeri i medias dhe në lajme çfarë nuk u tha për mua, po askush nuk erdhi të më pyesë këtu personalisht. Ky rrëfim i imi është ekskluziv.
Je informuar për fatin tënd, çfarë dënimi rrezikon?
Nuk e di sepse jam ende nën hetim. Unë kërkoj një masë më të butë, siç është ar¬rest shtëpie apo paraqitje me detyrim S’kam pasur asnjë precedent penal të mëparshëm, jam me arsim të lartë dhe kjo situatë më ka bërë ta vuaj dhe të jem nën kujdesin mjekësor me qetësues dhe serume.
Të ka transformuar burgu fizikisht?
Kështu vazhdoj të jem seksi dhe vazhdoj të vishem bukur. Këtu më thërrasin “o seksi i burgut” të gjithë, nga të burgosurit e deri te gardianët. Më thonë “sa erdhe ti na zbukurove burgun, o dielli i burgut!
Çfarë ke bërë ti aty për të tërhequr vëmendjen?
Unë vëmendjen e kam pa¬sur sepse mua më njeh gjithë bota. Jam shumë i kënaqur nga Burgu 313, pasi këtu me trajtojnë mirë jam në kat të tretë, ku vuajnë dënimin njerëz të ngritur e çuna jo problematikë, të qetë, siç më thonë shefat këtu.
Keni hyrë në bisedë, të kanë treguar çfarë krimesh kane bërë?
Shfrytëzim prone ose trafik droge, gjëra të tilla.
Janë të mirë në pamje?
Po janë yje, nga dy metra dhe të gjithë më drejtohen jo me emër, por “o zemra ime”.