Derbi Partizani-Tirana e luajtur një muaj më parë në “Air Albania Stadium” u mbyll me fitoren 1-2 në favor të bardhebluve. Një takim që u luajt për herë të parë në stadiumin e ri në kryeqytet dhe që nxorri fitues Tiranën pas më shumë se 5 vitesh.
Në impiantin modern të “Air Albania”, kishte një numër të madh tifozësh dhe që të gjithë kanë qenë të monituruar nga kamerat e policisë gjatë ndeshjes. Një ndeshje që nuk solli shumë probleme brenda stadiumit, ndërsa jashtë stadiumit u rregjistrua vetëm një incident i vogël që u neutralizua mjaft shpejt nga policia. Në emisionin “112”, në Report TV janë publikuar pamje nga sherri i ndodhur mes dy tifozerive si dhe ndërhyrjen e policisë.
Në orën 21:10, pranë Ushtarit të Panjohur një konflikt I momentit krijohet mes një grupi tifozash të Tiranës dhe disa tifozave të Partizanit. Konflikti agravon në konfrontim fizik në mes të rrugës ndërsa çdo gjë është filmuar edhe nga kamerat e qytetit.
Efektivët e rendit dhe ata të njësisë Shqiponja që ndodheshin pranë ndërhyjnë menjëherë duke shpërndarë turmën dhe duke ndarë personat që po konfliktoheshin ndërsa shoqërojnë në komisariat një person të kapur në flagrancë. /newsport