Lazio është duke zhvilluar një sezon fantastik në Serie A pasi ka regjistruar 11 fitore radhazi duke qenë një pretendente kryesore për titullin kampion.
Ndërkohë, që kryeqytetasit u eliminuan nga Kupa e Italisë, drejtori sportiv i bardhekaltërve Igli Tare vijon punën për të ofruar futbollistë interesantë në merkaton e janarit. Sipas asaj që raporton “tuttomercato.web”, Tare ka marrë në provë 18-vjeçarin Astrit Rama.
Lojtari është rritur në akademitë e AEK-ut të Athinës dhe Olimpiakosit. Mesfushori ka kryer vizitat mjekësore dhe i ka kaluar ato me sukses. Ajo që mbetet tashmë është që të bindë trajnerin e të rinjve. Rama do të jetë shqiptari i tretë që luan me fanellën e Lazios pas Thomas Strakoshës dhe Valon Berishës.