RENEA ka zbarkuar në Lezhë paraditen e sotme ku ka zhvilluar një sërë bastisjesh dhe kërkimesh lidhur me vrasjen e biznesmenit Kastriot Reçi në Rrëshen.
Burime për tirananevvs.al bëjnë të ditur se aktualisht janë shoqëruar 20 persona, ndërsa nuk ka ende informacione zyrtare nga policia lidhur me ngjarjen.
Kastriot Reçi humbi jetën në një atentat mafioz me snajper në qendër të qytetit të Rreshënit më 7 janar të këtij viti.
NGJARJA
Sipas pamjeve të publikuara, biznesmeni 47-vjeçar zbret nga një makinë tip “Mercedes Benz”, dhe afrohet tek një grua e cila ka përdore një fëmijë të mitur. Teksa përshëndetet me gruan, të cilën e puth në faqe, Reçi nis të puthë dhe të gëzojë fëmijën.
Në këtë moment, ai është qëlluar me snajper vetëm një herë dhe menjëherë ka rënë përtokë. Plumbi që sipas grupit hetimor e ka kapur në zemër, ka ardhur nga një largësi prej 150-200 metra, nga kati i shtatë i një pallat.
Në këtë kat, në banesën e Armando Gjinit, i njohur si Ushtari i Met Kananit, ndodhej vrasësi gjakftohtë. I maskuar si grua, me paruke dhe fustan, ai e vëzhgoi për gati 5 orë lokal “Mirdita” që shihni në këto pamje, në pronësi të biznesmenit, për të gjetur momentin e duhur për t’a vrarë.
Lexo edhe- (Video) Publikohen pamjet e momentit të vrasjes së biznesmenit në Rrëshen