Për të shtatën herë radhazi skuadra e Tiranës ia ka dalë që të fitojë e të sigurojë tre pikë të vlefshme, duke kaluar në krye të Kategorisë Superiore.
Bardheblutë e kryeqytetit ia kanë dalë të triumfojnë me rezultatin 0-1 në ndeshjen ndaj Vllaznisë që u zhvillua mbrëmjen e sotme në stadiumin “Loro Boriçi” në Shkodër.
Ndonëse ishte një ndeshje e cila u dominua pothuajse e gjitha nga ekipi i trajnerit Emanuel Egbo, goli i fitores ka ardhur vetëm pas 86 minutash ose 4 minuta përpara mbylljes së takimit.
Ishte Winful Cobbinah ai i cili i dha trepikëshin kryeqytetasve në javën e 21-të të Superligës, duke i kaluar momentalisht në krye të renditjes. Ky takim mund të konsiderohet me vuajtje për bardheblutë që pavarësisht tentativave ishte pothuajse e pamundur fitorja ndaj shkodranëve dhe ishte pikërisht kjo gjë që e bëri më të bukur klasiken e futbollit shqiptar.
Një barazim ose humbje e Kukësit do të ishin të vetmet mundësi që bardheblutë e Tiranës të mund të qëndrojnë për më shumë se një ditë kryesues të kategorisë.
Megjithatë takimet e ditës së nesërme do të ndikojnë në renditje dhe ndaj tironsit duhet të lutën që verilindorët të mos kenë sukses në takimin kundër Laçit.