Mjeku i njohur, Flamur Topi, tha në emisionin “Kjo Javë” të gazetares Nisida Tufa, në Neës24, se koronavirusi ka krijuar ankth dhe frikë te të gjithë shqiptarët.
Mjeku Topi u shpreh se në këto kushte ankthi është i pashmangshëm dhe sipas tij, duhet të jesh i pashpirt, që të thuash “nuk kam ankth”.
Pjesë nga intervista:
Si ndiheni në kushtet e izolimit?
Po respektoj masat në mënyrë shumë rigoroze. Ankthi është i pashmangshëm. Boll të mendosh lajmet tronditëse që vijnë nga Italia, ku me qindra humbasin jetën. Është e pamundur ti shpëtosh tërmetit që ne e quajmë ankth. Duhet të jesh i pashpirt, i pa zemër që të thuash ‘nuk kam ankth’.
Si e kaloni kohën?
Sot internet është mjet i mrekullueshëm që të informon në çdo minutë për të rejat. Pak më parë ka një lajm me shumë interes, qmbi ilacin kundër koronavirus. Por duhet të presim, sepse edhe shkenca nxitohet. Megjithatë lajmi është. Libri është miku im më i mirë. Tani po lexoj një libër shumë interesant, që tregon për Kinën. Edhe shkruaj.
Kur shohim pamjet e tmerrshme nga Italia, qëndrimi në shtëpi është luks…
Televizionet po flasin vetëm për koronavirusin, duke krijuar një gjendje shumë të rënduar psikologjikisht. Duhet të ketë dhe programe zbavitëse. Filloi e mbaroi “Portokallia” vetëm me COVID-19. Izolimi është i pashmangshëm, por duhet t’iu krijojmë dhe programe zbavitëse. Të gjithë në shtëpi, vetëm kjo mund të jetë zgjidhje për të penguar virusin.
Si mund të luftohet ankthi?
Të gjithë njerëzit që kanë mundësi të dalin në ajër, brenda mbaienteve të shtëpisë, mund të dalin. Ballkoni nuk është pak. Një vonesë e përhapjes te ne ka të bëjë me kushtet e favorshme klimatike. Duket që ky virus rezulton të jetë shumë agresiv.