Nga Ilir Beqaj
Në datën 15 prill situata paraqitet si vijon:
Shqipëri
172 raste pozitive për 1 milion banorë
8.8 vdekje për 1 milion banorë
1584 teste për 1 milion banorë
Case Fatality Rate 5,05 %
Test Positivity Rate 10,8 %
Rasti i parë 9 mars 2020
Fataliteti i parë 18 mars 2020
Islanda
5061 raste pozitive për 1 milion banorë
22.9 vdekje për 1 milion banorë
109,558 teste për 1 milion banorë
Case Fatality Rate 0,46 %
Test Positivity Rate 4,6 %
Rasti i parë 29 shkurt 2020
Fataliteti i parë 21 mars 2020
Islanda është vendi që ka tetsuar më shumë se kushdo, 10 % të popullsisë. Rreth gjysma e testimeve është kryer nga një kompani biomjekësore në mënyrë vullnetare. Njerëzit janë paraqitur vullnetarisht, në mënyrë rastësore, por, për rrjedhojë, jo në mënyrë përfaqësuese. Prandaj popullata e testuar edhe pse 10 % e vendit nuk është përfaqësuese e realitetit të përhapjes së sëmundjes.
Sipas vetë ministrit të shëndetësisë së Islandës, suksesi i Islandës në frenimin e përhapjes së sëmundjes nuk është testimi masiv, por zbatimi rigoroz i karantinës dhe izolimit.
Megjithatë, nga të dhënat e Islandës, dy përfundime mund të arrihen:
Gjysma e të testuarve që rezultojnë pozitivë janë pa simptoma.
Nuk ka vetëm një virus. Në Islandë kanë konstatuar ndryshime midis viruëse të ardhur nga Italia, Anglia, Austria dhe Kalifornia.
Sa më sipër sjell edhe që incidenca e sëmundjes sipas grupmoshave të ndryshojë midis dy vendeve.
Islanda ka testuar 70 herë më shumë se Shqipëria dhe ka zbuluar 30 herë më shumë raste se Shqipëria.
Sa më sipër nuk na ndihmojnë të arrijmë në ndonjë përfundim të veçantë.
Gjatë analizave të këtyre ditëve, e vetmja e dhënë e sigurtë është numri i të vdekurve nga COVID 19.
Në Islandë kanë vdekur 8 vetë, por njëri prej tyre është një turist australian. Prandaj po nisem nga 7 të vdekur. CFR në këtë rast është 0,4%.
Bazuar në 25 fatalitete që ka Shqipëria dhe në CFR e Islandës, edhe nëse do të kishim testuar si Islanda do të kishim rreth 6200 raste pozitive.
Do të kishim një njohje më të mirë të situatës në Shqipëri, por vetëm kaq. Do të gjurmonim më shumë, por nuk do të na ndihmonte për të marrë vendime të sakta e të drejta për hapat e mëtejshëm. Qëllimi ynë kryesor ka qënë dhe mbetet të sheshojmë kurbën e epidemisë. Deri tani ia kemi dalë jo keq. Rruga përpara, deri në fitimin masiv të imunitetit është e gjatë.