Pak kohë më parë, “Iconstyle.al” zbuloi lidhjen romantike të aktores Anna Lika dhe futbollistit Amir Rrahmani.
Prej asaj kohe, dyshja është vënë në qendër të mediave rozë dhe nga fotot që publikojnë herë pas here në rrjetet sociale, konfirmohet se ata janë bashkë.
Megjithatë, vetë çifti nuk ka preferuar të japë asnjë deklaratë lidhur me këtë çështje, por së fundmi Anna ka folur për herë të parë.
E ftuar në emisionin “Why not”, aktorja ka pranuar tërthorazi lidhjen me futbollistin që luan për ekipin Kombëtar të Kosovës dhe për Veronën e Italisë.
Ndonëse pranoi lidhjen, Anna nuk dha shumë detaje lidhur me romancën e tyre.
Ajo tha se është shumë e lumtur dhe se kjo i përmbledh të gjitha.
Biseda në emision:
Roza Lati: A je e dashuruar?
Ana Lika: Jam shumë e lumtur, kjo i përmbledh të gjitha.
Roza Lati: Kanë dalë fjalë për një lidhje dashurie me një futbollist. Duke marrë parasysh që jeni në të njëtat lokacione edhe do donim të dinim nga ana jote, pasi kanë dalë këto lajme sa zemra çunash ke thyer?
Ana Lika: Besoj se do kem thyer shumë zemra çunash, por mund të kem thye edhe zemra gocash.
Roza Lati: Ti nuk do t’i përgënjeshtrosh këto lajme?
Ana Lika: Unë nuk po them asnjë gjë, tani nuk të dëgjoj fare nga ky xhami./ Iconstyle
