Ai u bë pjesë e PSG vetëm në verë, por kaq i ka mjaftuar që të kthehet në një simbol te parisienët. Aventura e re filloi në mënyrën më të mirë për Gianluigi Buffon-in, i cili sot mbush 41 vjeç, gati për të diskutuar me parizienët kushtet për rinovimin e kontratës, siç raportohet nga “La Gazzetta dello Sport”.
Buffon në këtë pjesë të parë të sezonit ka qenë present në sukseset e ekipit. Ai ka luajtur 10 ndeshje në kampionat me gjigantët francezë, e fundit kundër Rennes, në Ligue 1, ku ka pësuar pesë gola.
Një performancë e mire, që mund ta bindë PSG për t’ia zgjatur përvojën Buffonit në Francë edhe një vit tjetër. Portieri italian ka nënshkruar verën e kaluar kontratë 1-vjeçare, me opsion zgjatjeje edhe për 12 muaj të tjerë.
Rinovimi i ish-kapitenit të Juventusit me kampionët e Francës duket se do të jetë me të vërtetë një formalitet. Buffon në Paris është mirë, siç përsëriti ai vetë, dhe me “ok” e klubit, nënshkrimi i kontratës së re mund të vijë së shpejti.
“Kontrata vazhdon, kur të gjithë janë të kënaqur, edhe unë”, – tha Buffon. Një rinovim, që për legjendën e portës italiane do të përfaqësonte dhuratën më të bukur në vitin e ditëlindjes së 41-të.