Komisioni parlamentar i Integrimit Europian ka diskutuar për ecurinë e pesë prioriteteve, procesin screening dhe raportin tre mujor të tij.
Por nga opozita nuk kanë munguar as pyetje për marrëdhëniet me fqinjët, për të cilët Aldo Bumçi, si ish ministër i Jashtëm në kohën e PD-së, tha se BE ka vendosur si kusht marrëdhëniet me fqinjët, duke kërkuar të dijë se cili është qëndrimi i Ramës për ndryshimin e kufijve.
Socialisti Taulant Balla duke iu përgjigjur tha se Shqipëria mbështet dialogun e shtetit sovran të Kosovës dhe Serbisë, duke thënë se përgëzon opozitën për ritkhimin në punën normale.
Ndërkaq, kreu i këtij komisioni Genc Pollo tha se i është kërkuar qeverisë të raportojë se deri ku ka arritur me përmbushjen e detyrimeve. Por Balla tha se afati është deri në fund të muajit shkurt, dhe se kërkesa e opozitës do të jetë e kompletuar me raportin vjetor që sjell qeveria, pasi është raport më i detajuar. “Mirëpresim rolin monitorues të opozitës”, tha ai.