Ministria e Arsimit arantoi ambiente të tjera mësimi, pas kërkesës së dekanit të Fakultetit të Drejtësisë, ndërsa ministrja e Shtetit për Marrëdhëniet me Kuvendin, Elisa Spiropali në një dalje për mediat sqaroi se ligji nuk i jep mundësi të ndërhyjë me forcë për të zhbllokuar mjediset universitare.
“Ligji nuk i jep mundësi qeverisë të ndërhyjë me forcë për të zhbllokuar mjediset universitare, por nga ana tjetër, ligji ngarkon titullarin, pra rektorin që të garantojë procesin mësimor dhe të kërkojë ndërhyrjen e policisë. Me përjashtim të një rasti kur qeverisë i është kërkuar ndërhyrja nga administratori, në një rast ekstrem, ne nuk kemi ndërhyrë në asnjë rast në administrimin e universitetit. Qeverisë nuk i është kërkuar asnjë herë ndihma për të zhbllokuar mjediset universitare”, tha Spiropali.
Sipas saj tashmë nuk kemi të bëjmë më me protestë të studentëve por “ajo që ishte protesta i hap rrugë paktit për universitetin dhe plotësimit të kërkesave, ulje të tarifave, por mbi të gjithave një transformim të infrastrukturës universitare, partneritet mes ministrive dhe fakulteteve që kanë lidhje me to, punësimin e të rinjve me rezultateve më të mira, përkthimin e titujve botërorë dhe standard për titujt”.