Megjithëse kjo nuk është tamam koha e përshtatshme për të lançuar një album, Ledri Vula s’mund të rrinte pa e ndarë me fansat punën e tij të palodhshme dhe projektet që po priteshin prej kohësh.
Më në fund, albumi 10/10, i gjithi i punuar nga Ledri Vula do të publikohet sonte në Youtube.
Siç tregon edhe reperi në postimin e tij, do të dëshironte shumë që këtë album ta kishte ndarë personalisht me publikun në koncerte.
Megjithatë, ai shpreson që ditë më të mira do të vijnë.
“Albumi 10/10 sonte del komplet ne Youtube. Kete album ja kom pas borxh fansave, dostave, vetes e edhe vet muzikes qe e boj. Situata neper te cilen po kalojm sna ka lon me realizu qysh e kemi menu, por cdo gje e ka te miren dhe te keqen e vete. E mire se albumi megjithate ka arrite me dal dhe e keqja qe s’kom mujt me e nda personalisht me publikun ne koncerte. Por ajo kohe po vjen me kismet. E me kismet po vijne edhe projekte te reja. Faleminderit krejt njerzve qe jon pjese e ketij projekti. Gjithashtu faleminderit krejtve per suportin dhe komentet e mira.”- janë fjalët e Ledrit në postim.