Konferenca e Kryetarëve nuk miratoi zgjatjen e afatit të komisionit hetimor, të quajtur “Tahiri”, me argumentin se kërkesa për këtë shtyrje është bërë jashtë afatit kohor.
Vetë kreu i këtij komisioni, Edi Paloka pas mbledhjes tha se ky është një justifikim, pasi maxhoranca nuk shqetësohet për shkeljet kushtetuese që bëjnë institucionet, të cilat nuk japin informacion.
“Shtyrjen e afatit që u hodh poshtë nga maxhoranca me justifikimin se paska kaluar sipsa rregullores afati për kërkesën e shtyrjes së afatit, kjo maxhorancë nuk është e shqetësuar për shkeljen e Kushtetutes dhe ligjit që bëjnë institucionet”, tha Paloka.
Sipas tij, kreu i Kuvendit, Gramoz Ruçi i tërhoqi “veshin” ministres së shtetit për Parlamentin, Elisa Spiropali që institucionet të kenë kujdes në zbatimin e Kushtetutës dhe Ligjit, si dhe ti përgjigjen Parlamentit.