Një lajm pozitiv për familjarët dhe miqtë e futbollistit të zhdukur Emiliano Sala. Dy ulëse avioni, që besohen se janë nga mjeti i zhdukur që mbate argjentinasin, janë gjetur në një plazh të Francës. Dega e Hetimeve të Aksidenteve Ajrore, e dha këtë deklaratë, ku mendohej se ulëset janë të avionit “Piper Malibu”.
Sulmuesi Sala, dhe piloti Dejv Ibotson, janë të zhdukur prej ditësh, dhe me shumë mundësi të vdekur. “Mëngjesin e të hënës, më 28 janar, morëm njoftimin nga autoriteti i sigurisë në Francë, se pjesë të një ulëse ishin gjetur në një plazh pranë Suranvil. Një tjetër ulëse u gjet më vonë po atë ditë. Nga ekzaminimet e para, kemi arritur në përfundimin se me shumë mundësi, janë ato të avionit të zhdukur. Tashmë kemi identifikuar një zonë prioritare nën ujë, për të kërkuar.” – u shpreh një zyrtar i Degës së Hetimeve të Aksidenteve Ajrore Franceze.