Këngëtari i njohur italian Andrea Bocelli ka pranuar publikisht se është i infektuar me COVID-19. Ai tha se kishte bërë tamponin për koronavirusin më 10 mars të këtij viti ku kishte rezultuar pozitiv.
Tenori nuk ka shfaqur simptoma të rënda por vetëm ethe dhe e kishte kaluar lehtë.
Bocelli tregoi se së bashku me të e kishte kaluar virusin edhe bashkëshortja e tij.
Megjithatë, pas izolimit dhe përkujdesit, ata e kanë kaluar plotësisht Covid-19 dhe janë në gjendje të mirë shëndetësore.
Sot, tenori shkoi në spitalin Cisanello në Pisa për të dhuruar plazmën e tij për qëllime studimi.