Këngëtarja shqiptare me famë në Amerikë, Bebe Rexha ka deklaruar se prindërit e saj janë prekur nga koronavirusi.
Bebe tregoi se ata kanë qenë sëmurë për 3 javë, por tani po rikuperohen.
“Prindërit e mi ishin shumë sëmurë për 3 javë. U shqetësova shumë”, u shpreh Bebe gjatë një emisioni amerikan.
Këngëtarja jeton në Los Angeles ndërsa prindërit në Nju Jork. Ajo tregoi se po mendonte të udhëtonte për të qëndruar pranë tyre.
“Po mendoja të udhëtoja me makinë që të kujdesesha për ta. Por ata nuk dëshiron të kishin as mua, as vëllain atje. Më në fund po bëhen më mirë”, tregoi Bebe.