Atentatorët e krimit të dyfishtë që ndodhi në Laç, ishin të armatosur mirë kur mbërritën në vendin e krimit. Burime nga grupi hetimor bëjnë me dije se Kreshnik Tusha, 21-vjeçari që mbeti edhe vetë i plagosur, bashkë me tre bashkëpunëtorët e tij kanë pasur armë zjarri të tipit kallashnikovë, me fishekë blind shpues.
Kjo, për faktin se atentatorët ishin në dijeni se një prej viktimave Bujar (Hasani) Lika lëvizte me mjet të blinduar.
Ngjarja e rëndë ndodhi mbrëmjen e të shtunës rreth orës 21:40, kur katër persona, mes tyre Kreshnik Tusha, të veshur si efektivë polici mbërritën në sheshin e një hoteli “AA”, në autostradën Laç-Mamurras, ku ndodheshin viktimat dhe i dëgjuan me armë. Për pasojë, ndërroi jetë në vendngjarje, Bujar (Hasani) Lika, 37 vjeç dhe u plagosën Paulin Gjergji, 53 vjeç dhe Kreshnik Tusha 21 vjeç.