Arbana Osmani ka sqaruar historinë e 12-vjeçares së abuzuar nga roja i jetimores, të cilën tha se e ka ftuar në emisionin e saj “Dua të të bëj të lumtur”.
Për të shmangur të gjitha keqkuptimet në lidhje me moshën minorene të vajzës, moderatorja sqaron se vajza sot 27 vjeç dhe do të vijë në studio për të falenderuar psikologen e saj që i ka qëndruar pranë.
Arbana shkruan se vajza ka folur vetë për abuzimin që ka nisur që në moshën 12-vjeçare, për t’i dhënë kujtdo kurajë.
“Vajza do të dalë me fytyrë dhe zë për të kërkuar ndihmë sepse ndihet e paragjykuar”, shkruan Arbana.
Dje moderatorja tregoi se për herë të parë në një studio televizive një vajzë do tregojë sesi roja i jetimores ka abuzuar me të seksualisht në moshën 12-vjeçare, edhe kur ajo e ka denoncuar.
“Të shtunën, më 6 qershor tek “Dua të të bëj të lumtur” një vajzë rrëfen për herë të parë në një studio televizive se si është abuzuar që në moshë 12-vjecare nga roja i jetimores së Shkodrës dhe pasi e ka denoncuar në polici, ky i fundit ka abuzuar me të”, ka shkruar Osmani, duke bërë të ditur historinë e cila me siguri do të ngjallë shumë diskutime.
Kjo histori e dhimbshme vjen pas asaj të 15-vjeçares që u përdhunua dhe u kërcënua nga roja i shkollës dhe nga 3 të rinj, për 3 vite me radhë.
